MADHVANAAMA (SriPaadaRaaja Virachita)
Sri MadHvanaAma-ಮಧ್ವನಾಮ (ಶ್ರೀಪಾದರಾಜ ವಿರಚಿತ)
(composed by Sri SreEpaAdaRaAjaru)
https://archive.org/details/madhva-naama-sri-paada-rayaru
MadhvaNaAma is one of the most popular works of shrIpAdarAjaRu. A Kannada poem extolling VaAyu dEvaru and his three incarnations. It follows the structure of shri hari-vAyu stuti and was composed by shrIpAdarAjaru for the benefit of those who don't know Sanskrit and/or are not allowed to recite the VaAyu-stuti.
Phala-Stuthi for this great work was written by Sri Jagannatha Dasaru adding glory to its greatness and value.
ಜಯ ಜಯ ಜಗತ್ರಾಣ ಜಗದೊಳಗೆ ಸುತ್ರಾಣ
ಅಖಿಲಗುಣ ಸದ್ಧಾಮ ಮಧ್ವನಾಮ || ಪ ||
ಆವ ಕಚ್ಛಪ ರೂಪದಿಂದಲಂಡೋದಕವ
ಓವಿ ಧರಿಸಿದ ಶೇಷಮೂರುತಿಯನು
ಆವವನ ಬಳಿವಿಡಿದು ಹರಿಯ ಸುರರೈಯ್ದುವರು
ಆ ವಾಯು ನಮ್ಮ ಕುಲಗುರುರಾಯನು || ೧ ||
ಆವವನು ದೇಹದೊಳಗಿರಲು ಹರಿ ನೆಲಸಿಹನು
ಆವವನು ತೊಲಗೆ ಹರಿ ತಾ ತೊಲಗುವ
ಆವವನು ದೇಹದಾ ಒಳ ಹೊರಗೆ ನಿಯಾಮಕನು
ಆ ವಾಯು ನಮ್ಮ ಕುಲಗುರುರಾಯನು || ೨ ||
ಕರುಣಾಭಿಮಾನಿ ಸುರರು ದೇಹವ ಬಿಡಲು
ಕುರುಡ ಕಿವುಡ ಮೂಕನೆಂದೆನಿಸುವ
ಪರಮ ಮುಖ್ಯ ಪ್ರಾಣ ತೊಲಗಲಾ ದೇಹವನು
ಅರಿತು ಪೆಣನೆಂದು ಪೇಳುವರು ಬುಧಜನ || ೩ ||
ಸುರರೊಳಗೆ ನರರೊಳಗೆ ಸರ್ವಭೂತಗಳೊಳಗೆ
ಪರತರನೆನಿಸಿ ನಿಯಾಮಿಸಿ ನೆಲಸಿಹ
ಹರಿಯನಲ್ಲದೆ ಬಗೆಯ ಅನ್ಯರನು ಲೋಕದೊಳು
ಗುರುಕುಲತಿಲಕ ಮುಖ್ಯ ಪವಮಾನನು || ೪ ||
ತ್ರೇತೆಯಲಿ ರಘುಪತಿಯ ಸೇವೆ ಮಾಡುವೆನೆಂದು
ವಾತಸುತ ಹನುಮಂತನೆಂದೆನಿಸಿದ
ಪೋತ ಭಾವದಿ ತರಣಿ ಬಿಂಬಕ್ಕೆ ಲಂಘಿಸಿದ
ಈತಗೆಣೆಯಾರು ಮೂಲೋಕದೊಳಗೆ || ೫ ||
ತರಣಿಗಭಿಮುಖನಾಗಿ ಶಬ್ದಶಾಸ್ತ್ರವ ಪಠಿಸಿ
ಉರವಣಿಸಿ ಹಿಂದುಮುಂದಾಗಿ ನಡೆದ
ಪರಮ ಪವಮಾನ ಸುತ ಉದಯಾಸ್ತ ಶೈಲಗಳ
ಭರದಿಯೈದಿದಗೀತಗುಪಮೆ ಉಂಟೇ || ೬ ||
ಅಖಿಲ ವೇದಗಳ ಸಾರ ಪಠಿಸಿದನು ಮುನ್ನಲ್ಲಿ
ನಿಖಿಳ ವ್ಯಾಕರಣಗಳ ಇವ ಪೇಳಿದ
ಮುಖದಲ್ಲಿ ಕಿಂಚಿದಪಶಬ್ದ ಇವಗಿಲ್ಲೆಂದು
ಮುಖ್ಯಪ್ರಾಣನನು ರಾಮನನುಕರಿಸಿದ || ೭ ||
ತರಣಿಸುತನನು ಕಾಯ್ದು ಶರಧಿಯನು ನೆರೆದಾಟಿ
ಧರಣಿಸುತೆಯಳ ಕಂಡು ಧನುಜರೊಡನೆ
ಭರದಿ ರಣವನೆ ಮಾಡಿ ಗೆಲಿದು ದಿವ್ಯಾಸ್ತ್ರಗಳ
ಉರುಹಿ ಲಂಕೆಯ ಬಂದ ಹನುಮಂತನು || ೮ ||
ಹರಿಗೆ ಚೂಡಾಮಣಿಯನಿತ್ತು ಹರಿಗಳ ಕೂಡಿ
ಶರಧಿಯನು ಕಟ್ಟಿ ಬಲು ರಕ್ಕಸರನು
ಒರಸಿ ರಣದಲಿ ದಶಶಿರನ ಹುಡಿಗುಟ್ಟಿದ
ಮೆರೆದ ಹನುಮಂತ ಬಲವಂತ ಧೀರ || ೯ ||
ಉರಗಬಂಧಕೆ ಸಿಲುಕಿ ಕಪಿವರರು ಮೈಮರೆಯೆ
ತರಣಿಕುಲತಿಲಕನಾಜ್ಞೆಯ ತಾಳಿದ
ಗಿರಿಸಹಿತ ಸಂಜೀವನವ ಕಿತ್ತು ತಂದಿತ್ತ
ಹರಿವರಗೆ ಸರಿಯುಂಟೆ ಹನುಮಂತಗೆ || ೧೦ ||
ವಿಜಯ ರಘುಪತಿ ಮೆಚ್ಚಿ ಧರಣಿಸುತೆಯಳಿಗೀಯೆ
ಭಜಿಸಿ ಮೌಕ್ತಿಕದ ಹಾರವನು ಪಡೆದ
ಅಜಪದವಿಯನು ರಾಮ ಕೊಡೆವೆನೆನೆ ಹನುಮಂತ
ನಿಜ ಭಕುತಿಯನೆ ಬೇಡಿ ವರವ ಪಡೆದ || ೧೧ ||
ಆ ಮಾರುತನೆ ಭೀಮನೆನಿಸಿ ದ್ವಾಪರದಲ್ಲಿ
ಸೋಮಕುಲದಲಿ ಜನಿಸಿ ಪಾರ್ಥನೊಡನೆ
ಭೀಮ ವಿಕ್ರಮ ರಕ್ಕಸರ ಮುರಿದೊಟ್ಟಿದ
ಆ ಮಹಿಮ ನಮ್ಮ ಕುಲಗುರುರಾಯನು || ೧೨ ||
ಕರದಿಂದ ಶಿಶುಭಾವನಾದ ಭೀಮನ ಬಿಡಲು
ಗಿರವಡಿದು ಶತಶೃಂಗವೆಂದೆನಿತು
ಹರಿಗಳ ಹರಿಗಳಿಂ ಕರಿಗಳ ಕರಿಗಳಿಂ
ಅರೆವ ವೀರರಿಗೆ ಸುರ ನರರು ಸರಿಯೇ || ೧೩ ||
ಕುರುಪ ಗರಳವನಿಕ್ಕೆ ನೆರೆ ಉಂಡು ತೇಗಿ
ಹಸಿದುರಗಗಳ ಮ್ಯಾಲೆ ಬಿಡಲದನೊರಸಿದ
ಅರಗಿನರಮನೆಯಲ್ಲಿ ಉರಿಯನಿಕ್ಕಲು ವೀರ
ಧರಿಸಿ ಜಾಹ್ನವಿಗೊಯ್ದ ತನ್ನನುಜರ || ೧೪ ||
ಅಲ್ಲಿರ್ದ ಬಕ ಹಿಡಿಂಬಕರೆಂಬ ರಕ್ಕಸರ
ನಿಲ್ಲದೊರಸಿದ ಲೋಕಕಂಟಕರನು
ಬಲ್ಲಿದಸುರರ ಗೆಲಿದು ದ್ರೌಪದಿಯ ಕೈವಿಡಿದು
ಎಲ್ಲ ಸುಜನರಿಗೆ ಹರುಷವ ತೋರಿದ || ೧೫ ||
ರಾಜಕುಲ ವಜ್ರನೆನಿಸಿದ ಮಾಗಧನ ಸೀಳಿ
ರಾಜಸೂಯಾಗವನು ಮಾಡಿಸಿದನು
ಆಜಿಯೊಳು ಕೌರವರ ಬಲವ ಸವರುವೆನೆಂದು
ಮೂಜಗವರಿಯೆ ಕಂಕಣ ಕಟ್ಟಿದ || ೧೬ ||
ದಾನವರ ಸವರಬೇಕೆಂದು ಬ್ಯಾಗ
ಮಾನನಿಧಿ ದ್ರೌಪದಿಯ ಮನದಿಂಗಿತವನರಿತು
ಕಾನನವ ಪೊಕ್ಕು ಕಿಮ್ಮಾರಾದಿಗಳ ಮುರಿದು
ಮಾನಿನಿಗೆ ಸೌಗಂಧಿಕವನೆ ತಂದ || ೧೭ ||
ದುರುಳ ಕೀಚಕನು ತಾ ದ್ರೌಪದಿಯ ಚೆಲುವಿಕೆಗೆ
ಮರುಳಾಗಿ ಕರಕರಿಯ ಮಾಡಲವನಾ
ಗರಡಿ ಮನೆಯಲಿ ಬರಸಿ ಅವನನ್ವಯವ
ಕುರುಪನಟ್ಟಿದ ಮಲ್ಲಕುಲವ ಸದೆದ || ೧೮ ||
ಕೌರವರ ಬಲ ಸವರಿ ವೈರಿಗಳ ನೆಗ್ಗೊತ್ತಿ
ಓರಂತೆ ಕೌರವನ ಮುರಿದು ಮೆರೆದ
ವೈರಿ ದುಶ್ಶಾಸನ್ನ ರಣದಲ್ಲಿ ಎಡಗೆಡಹಿ
ವೀರ ನರಹರಿಯ ಲೀಲೆಯ ತೋರಿದ || ೧೯ ||
ಗುರುಸುತನು ಸಂಗರದಿ ನಾರಾಯಣಾಸ್ತ್ರವನು
ಉರವಣಿಸಿ ಬಿಡಲು ಶಸ್ತ್ರವ ಬಿಸುಟರು
ಹರಿಕೃಪೆಯ ಪಡೆದಿರ್ದ ಭೀಮ ಹುಂಕಾರದಿಂ
ಹರಿಯ ದಿವ್ಯಾಸ್ತ್ರವನು ನೆರೆ ಅಟ್ಟಿದ || ೨೦ ||
ಚಂಡ ವಿಕ್ರಮನು ಗದೆಗೊಂಡು ರಣದಿ ಭೂ
ಮಂಡಲದೊಳಿದಿರಾಂತ ಖಳರನೆಲ್ಲಾ
ಹಿಂಡಿ ಬಿಸುಟಿಹ ವೃಕೋದರನ ಪ್ರತಾಪವನು
ಕಂಡು ನಿಲ್ಲುವರಾರು ತ್ರಿಭುವನದೊಳು || ೨೧ ||
ದಾನವರು ಕಲಿಯುಗದೊಳವತರಿಸಿ ವಿಬುಧರೊಳು
ವೇನನ ಮತವನರುಹಲದನರಿತು
ಜ್ಞಾನಿ ತಾ ಪವಮಾನ ಭೂತಳದೊಳವತರಿಸಿ
ಮಾನನಿಧಿ ಮಧ್ವಾಖ್ಯನೆಂದೆನಿಸಿದ || ೨೨ ||
ಅರ್ಭಕತನದೊಳೈದಿ ಬದರಿಯಲಿ ಮಧ್ವಮುನಿ
ನಿರ್ಭಯದಿ ಸಕಳ ಶಾಸ್ತ್ರವ ಪಠಿಸಿದ
ಉರ್ವಿಯೊಳು ಮಾಯೆ ಬೀರಲು ತತ್ತ್ವಮಾರ್ಗವನು
ಓರ್ವ ಮಧ್ವಮುನಿ ತೋರ್ದ ಸುಜನರ್ಗೆ || ೨೩ ||
ಸರ್ವೇಶ ಹರಿ ವಿಶ್ವ ಎಲ್ಲ ತಾ ಪುಸಿಯೆಂಬ
ದುರ್ವಾದಿಗಳ ಮತವ ನೆರೆ ಖಂಡಿಸಿ
ಸರ್ವೇಶ ಹರಿ ವಿಶ್ವ ಸತ್ಯವೆಂದರುಹಿದಾ
ಶರ್ವಾದಿ ಗೀರ್ವಾಣ ಸಂತತಿಯಲಿ || ೨೪ ||
ಬದರಿಕಾಶ್ರಮಕೆ ಪುನರಪಿಯೈದಿ ವ್ಯಾಸಮುನಿ
ಪದಕೆರಗಿ ಅಖಿಳ ವೇದಾರ್ಥಗಳನು
ಪದುಮನಾಭನ ಮುಖದಿ ತಿಳಿದು ಬ್ರಹ್ಮತ್ವ
ಯೈದಿದ ಮಧ್ವಮುನಿರಾಯಗಭಿವಂದಿಪೆ || ೨೫ ||
ಜಯ ಜಯತು ದುರ್ವಾದಿಮತತಿಮಿರ ಮಾರ್ತಾ೦ಡ
ಜಯಜಯತು ವಾದಿಗಜಪಂಚಾನನ
ಜಯಜಯತು ಚಾರ್ವಾಕಗರ್ವಪರ್ವತಕುಲಿಶ
ಜಯಜಯತು ಜಗನ್ನಾಥ ಮಧ್ವನಾಥ || ೨೬ ||
ತುಂಗಕುಲ ಗುರುವರನ ಹೃತ್ಕಮಲದಲಿ ನಿಲಿಸಿ
ಭಂಗವಿಲ್ಲದೆ ಸುಖವ ಸುಜನಕೆಲ್ಲ
ಹಿಂಗದೆ ಕೊಡುವ ನಮ್ಮ ಮಧ್ವಾಂತರಾತ್ಮಕ
ರಂಗವಿಠಲನೆಂದು ನೆರೆ ಸಾರಿರೈ || ೨೭ ||
> ಫಲಶ್ರುತಿ (ಜಗನ್ನಾಥದಾಸ ವಿರಚಿತ)
ಸೋಮ ಸೂರ್ಯೋಪರಾಗದಿ ಗೋಸಹಸ್ರಗಳ
ಭೂಮಿದೇವರಿಗೆ ಸುರನದಿಯ ತಟದಿ
ಶ್ರೀಮುಕುಂದಾರ್ಪಣವೆನುತ ಕೊಟ್ಟ ಫಲಮಕ್ಕು
ಈ ಮಧ್ವನಾಮ ಬರೆದೋದಿದರ್ಗೆ || ೧ ||
ಪುತ್ರರಿಲ್ಲದವರು ಸತ್ಪುತ್ರರೈದುವರು
ಸರ್ವತ್ರದಲಿ ದಿಗ್ವಿಜಯವಹುದು ಸಕಲ
ಶತ್ರುಗಳು ಕೆಡುವರಪಮೃತ್ಯು ಬರಲಂಜುವುದು
ಸೂತ್ರನಾಮಕನ ಸಂಸ್ತುತಿ ಮಾತ್ರದಿ || ೨ ||
ಶ್ರೀಪಾದರಾಯ ಪೇಳಿದ ಮಧ್ವನಾಮ ಸಂ
ತಾಪಕಳೆದಖಿಲ ಸೌಖ್ಯವನೀವುದು
ಶ್ರೀಪತಿ ಜಗನ್ನಾಥವಿಠಲನ ತೋರಿ ಭವ
ಕೂಪಾರದಿಂದ ಕಡೆ ಹಾಯಿಸುವುದು || ೩ ||
(ರಾಗ – ಸೌರಾಷ್ಟ್ರ, ಆದಿತಾಳ)
SrI hari vAyu gurubhyOnamaH
shrI madhvanAma
jaya jaya jagatrANa jagadoLage sutrANa
akhiLa guNa saddhAma madhvanAma || 1 ||
Ava kachchapa rUpadiMda laMDOdakava Ovi dharisida shEShamUrutiyanu
Avavana baLiviDidu hariya surareyduvaru A vAyu namma kulagururAyanu || 2 ||
Avavanu dEhadoLagiralu hari nelasihanu Avavanu tolage hari tA tolaguva
Avavanu dEhada oLa horage niyAmakanu A vAyu namma kulagururAyanu || 3 ||
karuNAbhimAni suraru dEhava biDalu kuruDa kivuDa mUkaneMdenisuva
parama mukhyaprANa tolagalA dEhavanu aritu peNaveMdu pELuvaru budhajanaru || 4 ||
suraroLage nararoLage sarva bhUtagaLoLage parataranenisi niyAmisi nelasiha
hariyanallade bageya anyaranu lOkadoLu guru kulatilaka mukhya pavamAnanu || 5 ||
hanumaMta avatAra
trEteyali raghupatiya sEve mADuveneMdu vAtasuta hanumaMtaneMdenisida
pOta bhAvadi taraNi biMbakke laMghisida ItageNeyAru mUrlOkadoLage || 6 ||
taraNigabhimukhanAgi shabda shAstrava rachisi uravaNisi hiMdu muMdAgi naDeda
parama pavamAnasuta udayAsta shailagaLa bharadiyaidida Itagupame uMTE || 7 ||
akhiLa vEdagaLa sArapaThisidanu munnalli nikhiLa vyAkaraNagaLa iva paThisida
mukhadalli kiMchidapashabda ivagilleMdu mukhyaprANananu rAmananukarisida || 8 ||
taraNi sutananu kAydu sharadhiyanu neredATi dharaNi suteyaLa kaMDu danujaroDane
bharadi raNavane mADi gelidu divyAstragaLa uruhi laMkeya baMda hanumaMtanu || 9 ||
harige chUDAmaNiyanittu harigaLa kUDi sharadhiyanu kaTTi balu rakkasaranu
orasi raNadali dashashirana huDiguTTida mereda hanumaMta balavaMta dhIra || 10 ||
uraga baMdhake siluki kapivararu maimareye taraNi kulatilakanAj~jeya tALida
girisahita saMjIvanava kittu taMditta harivarage sariyuMTe hanumaMtage || 11 ||
vijaya raghupati mechchi dharaNisuteyaLigIye bhajisi mauktikada hAravanu paDeda
ajapadaviyanu rAma koDuvenene hanumaMta nija bhakutiyane bEDi varava paDeda || 12 ||
bhIma avatAra
A mArutane bhImanenisi dvAparadalli sOmakuladali janisi pArtharoDane
bhIma vikrama rakkasara muridoTTida A mahima namma kulaguru rAyanu || 13 ||
karadiMda shishubhAvanAda bhImana biDalu girivaDedu shatashriMgaveMdenisitu
harigaLa harigaLiM karigaLa karigaLiM areva vIranige sura nararu sariyE || 14 ||
kurupa garaLavanikke nere uMDu tEgi hasiduragagaLa myAle biDaladanorasida
araginaramaneyalli uriyanikkalu vIra dharisi jAhnavigoyda tannanujara || 15 ||
allida baka hiDiMbakareMba rakkasara nilladorasida lOkakaMTakaranu
ballidasurara gelidu draupadiya karaviDidu ella sujanarige haruShava tOrida || 16 ||
rAjakula vajranenisida mAgadhana sILi rAjasUya yAgavanu mADisidanu
AjeyoLu kauravara balava savaruveneMdu mUjagavariye kaMkaNa kaTTida || 17 ||
mAnanidhi draupadiya manadiMgitavanaritu dAnavara savarabEkeMdu byAga
kAnanava pokku kimmIrAdigaLa taridu mAninige saugaMdhikavane taMda || 18 ||
duruLa kIchakanu tAM draupadiya chaluvikege maruLAgi karekareya mADalavanA
garaDi maneyalli varisi avananvayada kurupanaTTida mallakulava sadeda || 19 ||
kauravara bala savari vairigaLa neggotti OraMte kauravana muridu mereda
vairi dushshAsanna raNadalli edegeDahi vIra narahariya leeleya tOrida || 20 ||
gurusutanu saMgaradi nArAyaNAstravanu uravaNisi biDalu shastrava bisuTaru
harikRupeya paDedirda bhIma huMkAradali hariya divyAstravanu nere aTTida || 21 ||
chaMDa vikrimanu gadegoMDu raNadi bhUmaMDaladoLidirAMta khaLaranellA
hiMDi bisuTiha vRukOdarana pratApavanu kaMDunilluvarAru tribhuvanadoLu || 22 ||
naarirOdhana kELi gurusutana harhiDidu shirOratna kitti tegedA
nIroLagaDagidda duryodhanana horagedahi uruyuga tanna gedeyiMda muridA || 23 ||
madhva avatAra
dAnavaru kaliyugadoLavatarisi vibudharoLu vEnana matavanaruhaladanaritu
j~JAni tA pavamAna bhUtaLadoLavatarisi mAnanidi madhvAkhyaneMdenisida || 24 ||
arbhakatanadoLaidi badariyali madhvamuni nirbhayadi sakaLa shAstrava paThisida
urviyoLu mAye bIralu tatvamArgavanu Orva madhvamuni tOrida sujanarige || 25 ||
sarvEsha hari vishva ella tA pusiyeMba durvAdigaLa matava nere khaMDisi
sarvEsha hari vishva satyaveMdaruhidA sharvAdi gIrvANa saMtatiyali || 26 ||
badarikAshramake punarapiyaidi vyAsamuni padakeragi akhiLa vEdArthagaLanu
padumanAbhana mukhadi tiLidu brahmatva yyedida madhvamunirAyagabhivaMdipe || 27 ||
jayajayatu durvAdimatatimira mArtAMDa jayajayatu vAdigaja paMchAnana
jayajayatu chArvAka garvaparvata kulisha jaya jaya jagannAtha madhvanAtha || 28 ||
tuMgakula guruvarana hRutkamaladali nilisi bhaMgavillade sukhada sujanakella
hiMgade koDuva namma madhvAMtarAtmaka raMgaviThalaneMdu nere sArirai || 29 ||
> madhvanAma kRutige shrI jagannAthadAsara phalashruti
sOma sUryOparAgadi gOsahasragaLa bhUmidEvarige suranadiya tIradi
shrImukuMdArpaNavenuta koTTa phalamakku I madhvanAma baradOdidavarige || 30 ||
putrarilladavaru satputra aiduvaru sarvatradali digvijayavahudu sakala
shatrugaLu keDuvarapamRutyu baralaMjavudu sUtranAmakana saMstuti mAtradi || 31 ||
shrIpAdarAya pELida madhvanAma saMtApakaLedakhiLa saukhyavanIvudu
shrIpati jagannAthaviThalana tOri bhava kUpAradiMda kaDe hAyisuvudu || 32 ||
bhAratIramaNamukhyaprANAMtargata
shrIkRuShNArpaNamastu..
Link for the song...
Comments
Post a Comment