DharmaRaja kruta Sri DurgaStavam (MahaBharata - VirataParva)

DharmaRaja kruta Sri DurgaStavam (VirataParva)

In the Epic Mahabharatha Yudhistira (Dharma Raja) and Arjuna pray to Goddess Durga and recite Durga Stothra on two different occasions. Before entering into Viraatanagara for commencing their Agnaathavaasa, Dharmaraja prays Goddess Durga with a stothra which is popularly known as Dharmaraja Krutha Durgaastavam that appears in Viraataparva of the epic Mahabharatha.

Pleased with the prayers made by Dharmaraja, Goddess Durga appears before him and assures him that whoever prays her with this prayer sloka with sincere devotion, their sins will get diluted, will be blessed with longevity, bestowed with good health, progeny, wealth and prosperity, get rid of troubles from enemies.

This prayer is very effective when one is travelling or in the midst of enemies or in a battle field or struck in the midst of a forest or entering a foreign land, when one is in great fear or calamity and would be bestowed with success in all their endeavors.

ಧರ್ಮರಾಜ ಕೃತ ಶ್ರೀ ದುರ್ಗಾಸ್ತವಮ್ (ವಿರಾಟಪರ್ವಂ)

ವಿರಾಟನಗರಂ ರಮ್ಯಂ ಗಚ್ಛಮಾನೋ ಯುಧಿಷ್ಠಿರಃ |

ಅಸ್ತುವನ್ಮನಸಾ ದೇವೀಂ ದುರ್ಗಾಂ ತ್ರಿಭುವನೇಶ್ವರೀಮ್ || ೧ ||

ಯಶೋದಾಗರ್ಭಸಂಭೂತಾಂ ನಾರಾಯಣವರಪ್ರಿಯಾಮ್ |

ನಂದಗೋಪಕುಲೇ ಜಾತಾಂ ಮಾಂಗಲ್ಯಾಂ ಕುಲವರ್ಧನೀಮ್ || ೨ ||

ಕಂಸವಿದ್ರಾವಣಕರೀಮಸುರಾಣಾಂ ಕ್ಷಯಂಕರೀಮ್ |

ಶಿಲಾತಲೇ ವಿನಿಕ್ಷಿಪ್ತಾಮಾಕಾಶಂ ಪ್ರತಿಗಾಮಿನೀಮ್ || ೩ ||

ವಾಸುದೇವಸ್ಯ ಭಗಿನೀಂ ದಿವ್ಯಮಾಲ್ಯವಿಭೂಷಿತಾಮ್ |

ದಿವ್ಯಾಂಬರಧರಾಂ ದೇವೀಂ ಖಡ್ಗಖೇಟಕಧಾರಿಣೀಮ್ || ೪ ||

ಭಾರಾವತರಣೇ ಪುಣ್ಯೇ ಯೇ ಸ್ಮರಂತಿ ಸದಾ ಶಿವಾಮ್ |

ತಾನ್ ವೈ ತಾರಯತೇ ಪಾಪಾತ್ ಪಂಕೇ ಗಾಮಿವ ದುರ್ಬಲಾಮ್ || ೫ ||

ಸ್ತೋತುಂ ಪ್ರಚಕ್ರಮೇ ಭೂಯೋ ವಿವಿಧೈಃ ಸ್ತೋತ್ರಸಂಭವೈಃ |

ಆಮಂತ್ರ್ಯ ದರ್ಶನಾಕಾಂಕ್ಷೀ ರಾಜಾ ದೇವೀಂ ಸಹಾನುಜಃ || ೬ ||

ರಾಜೋವಾಚ –

ನಮೋಽಸ್ತು ವರದೇ ಕೃಷ್ಣೇ ಕುಮಾರೀ ಬ್ರಹ್ಮಚಾರಿಣೀ |

ಬಾಲಾರ್ಕಸದೃಶಾಕಾರೇ ಪೂರ್ಣಚಂದ್ರನಿಭಾನನೇ || ೭ ||

ಚತುರ್ಭುಜೇ ಸೂಕ್ಷ್ಮಮಧ್ಯೇ ಪೀನಶ್ರೋಣಿಪಯೋಧರೇ |

ಮಯೂರಪಿಚ್ಛವಲಯೇ ಕೇಯೂರಾಂಗದಭೂಷಣೇ || ೮ ||

ಭಾಸಿ ದೇವಿ ಯಥಾ ಪದ್ಮಾ ನಾರಾಯಣಪರಿಗ್ರಹಾ |

ಸ್ವರೂಪೇ ಬ್ರಹ್ಮಚರ್ಯಂ ಚ ವಿಶದಂ ತವ ಖೇಚರಿ || ೯ ||

ಕೃಷ್ಣಚ್ಛವಿಸಮಾ ಕೃಷ್ಣಾ ಸಂಕರ್ಷಣನಿಭಾನನಾ |

ಬಿಭ್ರತೀ ವಿಪುಲೌ ಬಾಹೂ ಶಕ್ರಧ್ವಜಸಮುಚ್ಛ್ರಯೌ || ೧೦ ||

ಪಾತ್ರೀ ಚ ಪಂಕಜೀ ಘಂಟೀ ಸ್ತ್ರೀ ವಿಶುದ್ಧಾ ಚ ಯಾ ಭುವಿ |

ಪಾಶಂ ಧನುರ್ಮಹಾಚಕ್ರಂ ವಿವಿಧಾನ್ಯಾಯುಧಾನಿ ಚ || ೧೧ ||

ಕುಂಡಲಾಭ್ಯಾಂ ಸುಪೂರ್ಣಾಭ್ಯಾಂ ಕರ್ಣಾಭ್ಯಾಂ ಚ ವಿಭೂಷಿತಾ |

ಚಂದ್ರಮಸ್ಪರ್ಧಿನೀ ದೇವಿ ಮುಖೇನ ತ್ವಂ ವಿರಾಜಸೇ || ೧೨ ||

ಮುಕುಟೇನ ವಿಚಿತ್ರೇಣ ಕೇಶಬಂಧೇನ ಶೋಭಿನಾ |

ಭುಜಂಗಭೋಗವಾಸೇನ ಶ್ರೋಣಿಸೂತ್ರೇಣ ರಾಜಿತಾ || ೧೩ ||

ವಿಭ್ರಾಜಸೇ ಚ ಬದ್ಧೇನ ಭೋಗೇನೇವೇಹ ಮಂದರಃ |

ಧ್ವಜೇನ ಶಿಖಿಪಿಚ್ಛೇನ ಉಚ್ಛ್ರಿತೇನ ವಿರಾಜಸೇ || ೧೪ ||

ಕೌಮಾರಂ ವ್ರತಮಾಸ್ಥಾಯ ತ್ರಿದಿವಂ ಪಾವಿತಂ ತ್ವಯಾ |

ತೇನ ತ್ವಂ ಸ್ತೂಯಸೇ ದೇವಿ ತ್ರಿದಶೈಃ ಪೂಜ್ಯಸೇಽಪಿ ಚ || ೧೫ ||

ತ್ರೈಲೋಕ್ಯರಕ್ಷಣಾರ್ಥಾಯ ಮಹಿಷಾಸುರನಾಶಿನಿ |

ಪ್ರಸನ್ನಾ ಮೇ ಸುರಶ್ರೇಷ್ಠೇ ದಯಾಂ ಕುರು ಶಿವಾ ಭವ || ೧೬ ||

ಜಯಾ ತ್ವಂ ವಿಜಯಾ ಚೈವ ಸಂಗ್ರಾಮೇ ಚ ಜಯಪ್ರದಾ |

ಮಮಾಪಿ ವಿಜಯಂ ದೇಹಿ ವರದಾ ತ್ವಂ ಚ ಸಾಂಪ್ರತಮ್ || ೧೭ ||

ವಿಂಧ್ಯೇ ಚೈವ ನಗಶ್ರೇಷ್ಠೇ ತವ ಸ್ಥಾನಂ ಚ ಶಾಶ್ವತಮ್ |

ಕಾಳಿ ಕಾಳಿ ಮಹಾಕಾಳಿ ಖಡ್ಗಖಟ್ವಾಂಗಧಾರಿಣಿ || ೧೮ ||

ಕೃತಾನುಯಾತ್ರಾ ಭೂತೈಸ್ತ್ವಂ ವರದಾ ಕಾಮರೂಪಿಣೀ |

ಭಾರಾವತಾರೇ ಯೇ ಚ ತ್ವಾಂ ಸಂಸ್ಮರಿಷ್ಯಂತಿ ಮಾನವಾಃ || ೧೯ ||

ಪ್ರಣಮಂತಿ ಚ ಯೇ ತ್ವಾಂ ಹಿ ಪ್ರಭಾತೇ ತು ನರಾ ಭುವಿ |

ನ ತೇಷಾಂ ದುರ್ಲಭಂ ಕಿಂಚಿತ್ ಪುತ್ರತೋ ಧನತೋಽಪಿ ವಾ || ೨೦ ||

ದುರ್ಗಾತ್ ತಾರಯಸೇ ದುರ್ಗೇ ತತ್ ತ್ವಂ ದುರ್ಗಾ ಸ್ಮೃತಾ ಬುಧೈಃ |

ಕಾಂತಾರೇಷ್ವವಸನ್ನಾನಾಂ ಮಗ್ನಾನಾಂ ಚ ಮಹಾರ್ಣವೇ || ೨೧ ||

ದಸ್ಯುಭಿರ್ವಾ ನಿರುದ್ಧಾನಾಂ ತ್ವಂ ಗತಿಃ ಪರಮಾ ನೃಣಾಮ್ |

ಜಲಪ್ರತರಣೇ ಚೈವ ಕಾಂತಾರೇಷ್ವಟವೀಷು ಚ || ೨೨ ||

ಯೇಽಸ್ಮರಿಷ್ಯನ್ ಮಹಾದೇವೀಂ ನ ಚ ಸೀದಂತಿ ತೇ ನರಾಃ |

ತ್ವಂ ಕೀರ್ತಿಃ ಶ್ರೀರ್ಧೃತಿಃ ಸಿದ್ಧಿಹ್ರೀ೯ ವಿದ್ಯಾ ಸಂತತಿರ್ಮತಿಃ || ೨೩ ||

ಸಂಧ್ಯಾ ರಾತ್ರಿಃ ಪ್ರಭಾ ನಿದ್ರಾ ಜ್ಯೋತ್ಸ್ನಾ ಕಾಂತಿಃ ಕ್ಷಮಾ ದಯಾ |

ನೃಣಾಂ ಚ ಬಂಧನಂ ಮೋಹಂ ಪುತ್ರನಾಶಂ ಧನಕ್ಷಯಮ್ |

ವ್ಯಾಧಿಂ ಮೃತ್ಯುಭಯಂ ಚೈವ ಪೂಜಿತಾ ನಾಶಯಿಷ್ಯಸಿ || ೨೪ ||

ಸೋಽಹಂ ರಾಜ್ಯಾತ್ ಪರಿಭ್ರಷ್ಟಃ ಶರಣಂ ತ್ವಾಂ ಪ್ರಪನ್ನವಾನ್ |

ಪ್ರಣತಶ್ಚ ಯಥಾ ಮೂರ್ಧ್ನಾ ತವ ದೇವಿ ಸುರೇಶ್ವರಿ || ೨೫ ||

ತ್ರಾಹಿ ಮಾಂ ಪದ್ಮಪತ್ರಾಕ್ಷಿ ಸತ್ಯೇ ಸತ್ಯಾ ಭವಸ್ವನಃ |

ಶರಣಂ ಭವ ಮೇ ದುರ್ಗೇ ಶರಣ್ಯೇ ಭಕ್ತವತ್ಸಲೇ || ೨೬ ||

ಏವಂ ಸ್ತುತಾ ಹಿ ಸಾ ದೇವೀ ದರ್ಶಯಾಮಾಸ ಪಾಂಡವಮ್ |

ಉಪಗಮ್ಯ ತು ರಾಜಾನಮಿದಂ ವಚನಮಬ್ರವೀತ್ || ೨೭ ||

ದೇವ್ಯುವಾಚ –

ಶೃಣು ರಾಜನ್ ಮಹಾಬಾಹೋ ಮದೀಯಂ ವಚನಂ ಪ್ರಭೋ |

ಭವಿಷ್ಯತ್ಯಚಿರಾದೇವ ಸಂಗ್ರಾಮೇ ವಿಜಯಸ್ತವ || ೨೮ ||

ಮಮ ಪ್ರಸಾದಾನ್ನಿರ್ಜಿತ್ಯ ಹತ್ವಾ ಕೌರವವಾಹಿನೀಮ್ |

ರಾಜ್ಯಂ ನಿಷ್ಕಂಕಟಂ ಕೃತ್ವಾ ಭೋಕ್ಷ್ಯಸೇ ಮೇದಿನೀಂ ಪುನಃ || ೨೯ ||

ಭ್ರಾತೃಭಿಃ ಸಹಿತೋ ರಾಜನ್ ಪ್ರೀತಿಂ ಪ್ರಾಪ್ಸ್ಯಸಿ ಪುಷ್ಕಲಾಮ್ |

ಮತ್ಪ್ರಸಾದಾಚ್ಚತೇ ಸೌಖ್ಯಮಾರೋಗ್ಯಂ ಚ ಭವಿಷ್ಯತಿ || ೩೦ ||

ಯೇ ನರಾಃ ಕೀರ್ತಯಿಷ್ಯಂತಿ ಲೋಕೇ ವಿಗತಕಲ್ಮಷಾಃ |

ತೇಷಾಂ ತುಷ್ಟಾ ಪ್ರದಾಸ್ಯಾಮಿ ರಾಜ್ಯಮಾಯುರ್ವಪುಃಸುತಮ್ || ೩೧ ||

ಪ್ರವಾಸೇ ನಗರೇ ವಾಽಪಿ ಸಂಗ್ರಾಮೇ ಶತ್ರುಸಂಕಟೇ |

ಅಟವ್ಯಾಂ ದುರ್ಗಕಾಂತಾರೇ ಸಾಗರೇ ಗಹನೇ ಗಿರೌ || ೩೨ ||

ಯೇ ಸ್ಮರಿಷ್ಯಂತಿ ಮಾಂ ರಾಜನ್ ಯಥಾಽಹಂ ಭವತಾ ಸ್ಮೃತಾ |

ನ ತೇಷಾಂ ದುರ್ಲಭಂ ಕಿಂಚಿದಸ್ಮಿನ್ ಲೋಕೇ ಭವಿಷ್ಯತಿ || ೩೩ ||

ಇದಂ ಸ್ತೋತ್ರವರಂ ಭಕ್ತ್ಯಾ ಶ್ರುಣುಯಾದ್ವಾ ಪಠೇತ ವಾ |

ತಸ್ಯ ಸರ್ವಾಣಿ ಕಾರ್ಯಾಣಿ ಸಿದ್ಧಿಂ ಯಾಸ್ಯಂತಿ ಪಾಂಡವ || ೩೪ ||

ಮತ್ಪ್ರಭಾವಾಚ್ಚ ವಃ ಸರ್ವಾನ್ ವಿರಾಟನಗರೇ ಸ್ಥಿತಾನ್ |

ನ ಪ್ರಜ್ಞಾಸ್ಯಂತಿ ಕುರವೋ ನರಾ ವಾ ತನ್ನಿವಾಸಿನಃ || ೩೫ ||

ಇತ್ಯುಕ್ತ್ವಾ ವರದಾ ದೇವೀ ಯುಧಿಷ್ಠಿರಮರಿಂದಮಮ್ |

ರಕ್ಷಾಂ ಕೃತ್ವಾ ಚ ಪಾಂಡೂನಾಂ ತತ್ರೈವಾಂತರಧೀಯತ || ೩೬ ||

|| ಇತಿ ಧರ್ಮರಾಜ ಕೃತ ಶ್ರೀ ದುರ್ಗಾಸ್ತವಮ್ ||

ಶ್ರೀ ಕೃಷ್ಣಾರ್ಪಣಮಸ್ತು

धर्मराज कृत श्री दुर्गास्तवम् (विराटपर्वं)

विराटनगरं रम्यं गच्छमानो युधिष्ठिरः |

अस्तुवन्मनसा देवीं दुर्गां त्रिभुवनेश्वरीम् || १ ||

यशोदागर्भसंभूतां नारायणवरप्रियाम् |

नंदगोपकुले जातां मांगल्यां कुलवर्धनीम् || २ ||

कंसविद्रावणकरीमसुराणां क्षयंकरीम् |

शिलातले विनिक्षिप्तामाकाशं प्रतिगामिनीम् || ३ ||

वासुदेवस्य भगिनीं दिव्यमाल्यविभूषिताम् |

दिव्यांबरधरां देवीं खड्गखेटकधारिणीम् || ४ ||

भारावतरणे पुण्ये ये स्मरंति सदा शिवाम् |

तान् वै तारयते पापात् पंके गामिव दुर्बलाम् || ५ ||

स्तोतुं प्रचक्रमे भूयो विविधैः स्तोत्रसंभवैः |

आमंत्र्य दर्शनाकांक्षी राजा देवीं सहानुजः || ६ ||

राजोवाच –

नमोऽस्तु वरदे कृष्णे कुमारी ब्रह्मचारिणी |

बालार्कसदृशाकारे पूर्णचंद्रनिभानने || ७ ||

चतुर्भुजे सूक्ष्ममध्ये पीनश्रोणिपयोधरे |

मयूरपिच्छवलये केयूरांगदभूषणे || ८ ||

भासि देवि यथा पद्मा नारायणपरिग्रहा |

स्वरूपे ब्रह्मचर्यं च विशदं तव खेचरि || ९ ||

कृष्णच्छविसमा कृष्णा संकर्षणनिभानना |

बिभ्रती विपुलौ बाहू शक्रध्वजसमुच्छ्रयौ || १० ||

पात्री च पंकजी घंटी स्त्री विशुद्धा च या भुवि |

पाशं धनुर्महाचक्रं विविधान्यायुधानि च || ११ ||

कुंडलाभ्यां सुपूर्णाभ्यां कर्णाभ्यां च विभूषिता |

चंद्रमस्पर्धिनी देवि मुखेन त्वं विराजसे || १२ ||

मुकुटेन विचित्रेण केशबंधेन शोभिना |

भुजंगभोगवासेन श्रोणिसूत्रेण राजिता || १३ ||

विभ्राजसे च बद्धेन भोगेनेवेह मंदरः |

ध्वजेन शिखिपिच्छेन उच्छ्रितेन विराजसे || १४ ||

कौमारं व्रतमास्थाय त्रिदिवं पावितं त्वया |

तेन त्वं स्तूयसे देवि त्रिदशैः पूज्यसेऽपि च || १५ ||

त्रैलोक्यरक्षणार्थाय महिषासुरनाशिनि |

प्रसन्ना मे सुरश्रेष्ठे दयां कुरु शिवा भव || १६ ||

जया त्वं विजया चैव संग्रामे च जयप्रदा |

ममापि विजयं देहि वरदा त्वं च सांप्रतम् || १७ ||

विंध्ये चैव नगश्रेष्ठे तव स्थानं च शाश्वतम् |

काळि काळि महाकाळि खड्गखट्वांगधारिणि || १८ ||

कृतानुयात्रा भूतैस्त्वं वरदा कामरूपिणी |

भारावतारे ये च त्वां संस्मरिष्यंति मानवाः || १९ ||

प्रणमंति च ये त्वां हि प्रभाते तु नरा भुवि |

न तेषां दुर्लभं किंचित् पुत्रतो धनतोऽपि वा || २० ||

दुर्गात् तारयसे दुर्गे तत् त्वं दुर्गा स्मृता बुधैः |

कांतारेष्ववसन्नानां मग्नानां च महार्णवे || २१ ||

दस्युभिर्वा निरुद्धानां त्वं गतिः परमा नृणाम् |

जलप्रतरणे चैव कांतारेष्वटवीषु च || २२ ||

येऽस्मरिष्यन् महादेवीं न च सीदंति ते नराः |

त्वं कीर्तिः श्रीर्धृतिः सिद्धिह्री९ विद्या संततिर्मतिः || २३ ||

संध्या रात्रिः प्रभा निद्रा ज्योत्स्ना कांतिः क्षमा दया |

नृणां च बंधनं मोहं पुत्रनाशं धनक्षयम् |

व्याधिं मृत्युभयं चैव पूजिता नाशयिष्यसि || २४ ||

सोऽहं राज्यात् परिभ्रष्टः शरणं त्वां प्रपन्नवान् |

प्रणतश्च यथा मूर्ध्ना तव देवि सुरेश्वरि || २५ ||

त्राहि मां पद्मपत्राक्षि सत्ये सत्या भवस्वनः |

शरणं भव मे दुर्गे शरण्ये भक्तवत्सले || २६ ||

एवं स्तुता हि सा देवी दर्शयामास पांडवम् |

उपगम्य तु राजानमिदं वचनमब्रवीत् || २७ ||

देव्युवाच –

शृणु राजन् महाबाहो मदीयं वचनं प्रभो |

भविष्यत्यचिरादेव संग्रामे विजयस्तव || २८ ||

मम प्रसादान्निर्जित्य हत्वा कौरववाहिनीम् |

राज्यं निष्कंकटं कृत्वा भोक्ष्यसे मेदिनीं पुनः || २९ ||

भ्रातृभिः सहितो राजन् प्रीतिं प्राप्स्यसि पुष्कलाम् |

मत्प्रसादाच्चते सौख्यमारोग्यं च भविष्यति || ३० ||

ये नराः कीर्तयिष्यंति लोके विगतकल्मषाः |

तेषां तुष्टा प्रदास्यामि राज्यमायुर्वपुःसुतम् || ३१ ||

प्रवासे नगरे वाऽपि संग्रामे शत्रुसंकटे |

अटव्यां दुर्गकांतारे सागरे गहने गिरौ || ३२ ||

ये स्मरिष्यंति मां राजन् यथाऽहं भवता स्मृता |

न तेषां दुर्लभं किंचिदस्मिन् लोके भविष्यति || ३३ ||

इदं स्तोत्रवरं भक्त्या श्रुणुयाद्वा पठेत वा |

तस्य सर्वाणि कार्याणि सिद्धिं यास्यंति पांडव || ३४ ||

मत्प्रभावाच्च वः सर्वान् विराटनगरे स्थितान् |

न प्रज्ञास्यंति कुरवो नरा वा तन्निवासिनः || ३५ ||

इत्युक्त्वा वरदा देवी युधिष्ठिरमरिंदमम् |

रक्षां कृत्वा च पांडूनां तत्रैवांतरधीयत || ३६ ||

|| इति धर्मराज कृत श्री दुर्गास्तवम् ||

श्री कृष्णार्पणमस्तु

ధర్మరాజ కృత శ్రీ దుర్గాస్తవమ్ (విరాటపర్వం)

విరాటనగరం రమ్యం గచ్ఛమానో యుధిష్ఠిరః |

అస్తువన్మనసా దేవీం దుర్గాం త్రిభువనేశ్వరీమ్ || ౧ ||

యశోదాగర్భసంభూతాం నారాయణవరప్రియామ్ |

నందగోపకులే జాతాం మాంగల్యాం కులవర్ధనీమ్ || ౨ ||

కంసవిద్రావణకరీమసురాణాం క్షయంకరీమ్ |

శిలాతలే వినిక్షిప్తామాకాశం ప్రతిగామినీమ్ || ౩ ||

వాసుదేవస్య భగినీం దివ్యమాల్యవిభూషితామ్ |

దివ్యాంబరధరాం దేవీం ఖడ్గఖేటకధారిణీమ్ || ౪ ||

భారావతరణే పుణ్యే యే స్మరంతి సదా శివామ్ |

తాన్ వై తారయతే పాపాత్ పంకే గామివ దుర్బలామ్ || ౫ ||

స్తోతుం ప్రచక్రమే భూయో వివిధైః స్తోత్రసంభవైః |

ఆమంత్ర్య దర్శనాకాంక్షీ రాజా దేవీం సహానుజః || ౬ ||

రాజోవాచ –

నమోఽస్తు వరదే కృష్ణే కుమారీ బ్రహ్మచారిణీ |

బాలార్కసదృశాకారే పూర్ణచంద్రనిభాననే || ౭ ||

చతుర్భుజే సూక్ష్మమధ్యే పీనశ్రోణిపయోధరే |

మయూరపిచ్ఛవలయే కేయూరాంగదభూషణే || ౮ ||

భాసి దేవి యథా పద్మా నారాయణపరిగ్రహా |

స్వరూపే బ్రహ్మచర్యం చ విశదం తవ ఖేచరి || ౯ ||

కృష్ణచ్ఛవిసమా కృష్ణా సంకర్షణనిభాననా |

బిభ్రతీ విపులౌ బాహూ శక్రధ్వజసముచ్ఛ్రయౌ || ౧౦ ||

పాత్రీ చ పంకజీ ఘంటీ స్త్రీ విశుద్ధా చ యా భువి |

పాశం ధనుర్మహాచక్రం వివిధాన్యాయుధాని చ || ౧౧ ||

కుండలాభ్యాం సుపూర్ణాభ్యాం కర్ణాభ్యాం చ విభూషితా |

చంద్రమస్పర్ధినీ దేవి ముఖేన త్వం విరాజసే || ౧౨ ||

ముకుటేన విచిత్రేణ కేశబంధేన శోభినా |

భుజంగభోగవాసేన శ్రోణిసూత్రేణ రాజితా || ౧౩ ||

విభ్రాజసే చ బద్ధేన భోగేనేవేహ మందరః |

ధ్వజేన శిఖిపిచ్ఛేన ఉచ్ఛ్రితేన విరాజసే || ౧౪ ||

కౌమారం వ్రతమాస్థాయ త్రిదివం పావితం త్వయా |

తేన త్వం స్తూయసే దేవి త్రిదశైః పూజ్యసేఽపి చ || ౧౫ ||

త్రైలోక్యరక్షణార్థాయ మహిషాసురనాశిని |

ప్రసన్నా మే సురశ్రేష్ఠే దయాం కురు శివా భవ || ౧౬ ||

జయా త్వం విజయా చైవ సంగ్రామే చ జయప్రదా |

మమాపి విజయం దేహి వరదా త్వం చ సాంప్రతమ్ || ౧౭ ||

వింధ్యే చైవ నగశ్రేష్ఠే తవ స్థానం చ శాశ్వతమ్ |

కాళి కాళి మహాకాళి ఖడ్గఖట్వాంగధారిణి || ౧౮ ||

కృతానుయాత్రా భూతైస్త్వం వరదా కామరూపిణీ |

భారావతారే యే చ త్వాం సంస్మరిష్యంతి మానవాః || ౧౯ ||

ప్రణమంతి చ యే త్వాం హి ప్రభాతే తు నరా భువి |

న తేషాం దుర్లభం కించిత్ పుత్రతో ధనతోఽపి వా || ౨౦ ||

దుర్గాత్ తారయసే దుర్గే తత్ త్వం దుర్గా స్మృతా బుధైః |

కాంతారేష్వవసన్నానాం మగ్నానాం చ మహార్ణవే || ౨౧ ||

దస్యుభిర్వా నిరుద్ధానాం త్వం గతిః పరమా నృణామ్ |

జలప్రతరణే చైవ కాంతారేష్వటవీషు చ || ౨౨ ||

యేఽస్మరిష్యన్ మహాదేవీం న చ సీదంతి తే నరాః |

త్వం కీర్తిః శ్రీర్ధృతిః సిద్ధిహ్రీ౯ విద్యా సంతతిర్మతిః || ౨౩ ||

సంధ్యా రాత్రిః ప్రభా నిద్రా జ్యోత్స్నా కాంతిః క్షమా దయా |

నృణాం చ బంధనం మోహం పుత్రనాశం ధనక్షయమ్ |

వ్యాధిం మృత్యుభయం చైవ పూజితా నాశయిష్యసి || ౨౪ ||

సోఽహం రాజ్యాత్ పరిభ్రష్టః శరణం త్వాం ప్రపన్నవాన్ |

ప్రణతశ్చ యథా మూర్ధ్నా తవ దేవి సురేశ్వరి || ౨౫ ||

త్రాహి మాం పద్మపత్రాక్షి సత్యే సత్యా భవస్వనః |

శరణం భవ మే దుర్గే శరణ్యే భక్తవత్సలే || ౨౬ ||

ఏవం స్తుతా హి సా దేవీ దర్శయామాస పాండవమ్ |

ఉపగమ్య తు రాజానమిదం వచనమబ్రవీత్ || ౨౭ ||

దేవ్యువాచ –

శృణు రాజన్ మహాబాహో మదీయం వచనం ప్రభో |

భవిష్యత్యచిరాదేవ సంగ్రామే విజయస్తవ || ౨౮ ||

మమ ప్రసాదాన్నిర్జిత్య హత్వా కౌరవవాహినీమ్ |

రాజ్యం నిష్కంకటం కృత్వా భోక్ష్యసే మేదినీం పునః || ౨౯ ||

భ్రాతృభిః సహితో రాజన్ ప్రీతిం ప్రాప్స్యసి పుష్కలామ్ |

మత్ప్రసాదాచ్చతే సౌఖ్యమారోగ్యం చ భవిష్యతి || ౩౦ ||

యే నరాః కీర్తయిష్యంతి లోకే విగతకల్మషాః |

తేషాం తుష్టా ప్రదాస్యామి రాజ్యమాయుర్వపుఃసుతమ్ || ౩౧ ||

ప్రవాసే నగరే వాఽపి సంగ్రామే శత్రుసంకటే |

అటవ్యాం దుర్గకాంతారే సాగరే గహనే గిరౌ || ౩౨ ||

యే స్మరిష్యంతి మాం రాజన్ యథాఽహం భవతా స్మృతా |

న తేషాం దుర్లభం కించిదస్మిన్ లోకే భవిష్యతి || ౩౩ ||

ఇదం స్తోత్రవరం భక్త్యా శ్రుణుయాద్వా పఠేత వా |

తస్య సర్వాణి కార్యాణి సిద్ధిం యాస్యంతి పాండవ || ౩౪ ||

మత్ప్రభావాచ్చ వః సర్వాన్ విరాటనగరే స్థితాన్ |

న ప్రజ్ఞాస్యంతి కురవో నరా వా తన్నివాసినః || ౩౫ ||

ఇత్యుక్త్వా వరదా దేవీ యుధిష్ఠిరమరిందమమ్ |

రక్షాం కృత్వా చ పాండూనాం తత్రైవాంతరధీయత || ౩౬ ||

|| ఇతి ధర్మరాజ కృత శ్రీ దుర్గాస్తవమ్ ||

శ్రీ కృష్ణార్పణమస్తు